Kev Muab Koj Cov Xwm Kho Mob Ceev Cia Yog Ib Qho Tseem Ceeb rau Peb

Yuav Pib Coj Kev Cai Tshiab no: Lub 4 hli ntuj, hnub tim 14, 2003

Qhov kev qhia paub no piavtxog tej ntaubntawv khomob ntawm  koj tus menyuam uas tejzaum yuav siv thiab muab qhia tawm paub thiab yuav ua cas koj thiaj li paubmuab tau tej ntaubntawv no. Thov koj muab nws saib kom zoo zoo.

Thaum peb hais piavtxog koj tus menyuam, peb maimtheem tias yog koj tibyam nkaus.

Yog tias koj muaj lusnug txog rau daim ntawv qhia paub no, thov hu tau rau tsev khomob tus neeg Children's Hospital Central California Privacy Officer rau tus xovtooj 559-353-5660.

Daim Ntawv No Qhia Txog Leej Twg Tes Hauj Lwm?

Tsab ntawv tshaj xov no qhia txog peb lub Tsev Kho Mob txoj kev ua hauj lwm thiab kev coj kev ua ntawm cov muaj npe nram no:

• Tag nrho cov ua hauj lwm, cov Kws Kho Mob, cov tuaj pab dawb thiab lwm cov neeg uas raug tswj los ntawm Cov Menyuam Lub Tsev Kho Mob txoj cai.
• Tag nrho cov Kws Kho Mob kho peb cov neeg mob.
  Tej neeg uas muaj cai sau tej ntawv txog koj tus menyuam hauv koj tus menyuam tej ntaub ntawv.
• Tej qhov chaw kho mob me uas tsis nyob ntawm lub Tsev Kho Mob loj uas yog Cov Menyuam Lub Tsev Kho Mob Hauv Plawv California li.
• Tej Tsev Kho Mob me uas raug tswj los ntawm Pawg Kho Ntau Hom Kev Mob Nyob Hauv Plawv California, Inc (Specialty Medical Group Central California, Inc.)

Peb Txoj Kev Cog Lus Txog Tej Ntaub Ntawv uas Tsev Kho Mob Khaws Cia

Thaum koj txais kev pab los ntawm Cov Menyuam Lub Tsev Kho Mob Hauv Plawv California, koj yuav tau qhia rau peb tej yam txog koj tus menyuam txoj kev mob kev nkeeg. Koj cia siab tau tias tej koj qhia rau peb, peb yuav muab khaws ceev cia tseg tsis lam pub luag paub.  Peb yuav tsim ib co ntawv xwm txheej txog tej kev kho thiab kev pab koj tus menyuam uas nws tau txais hauv lub Tsev Kho Mob no. Peb siv tej ntawv xwm txheej no kom yuav pab tau koj tus menyuam thiab kom ua raws li txoj cai.  Daim ntawv no yuav hais txog tag nrho tej ntawv xwm txheej uas peb yuav khaws cia hauv lub Tsev Kho Mob, txawm yog los ntawm cov ua hauj lwm hauv lub Tsev Kho Mob no los yog koj tus menyuam tus Kws Kho Mob. Tej zaum koj tus menyuam tus Kws Kho Mob yuav muaj nws ib co cai los sis ntawv qhia txog ntawm nws txoj kev siv thiab kev muab rau luag siv koj tus menyuam tej ntaub ntawv kho mob no.

Daim ntawv no yuav qhia koj txog txoj kev uas peb siv thiab pub luag saib koj tus menyuam tej ntaub ntawv. Peb kuj yuav tau piav rau koj txuas ntxiv txog ntawm koj tej txoj cai uas koj tuav thiab tej uas peb cog lus tseg txog txoj kev siv thiab pub luag saib tej ntaub ntawv no.

Cov Menyuam Lub Tsev Kho Mob Txoj Num

• Peb yuav tau ceev cia tseg thiab khaws koj tus menyuam tej ntaub ntawv kho mob kom zoo tsis lam pub luag saib.
• Peb yuav tsum muab daim ntawv tshaj tawm xov no uas qhia txog peb txoj kev ua hauj lwm rau cov uas nug kom tau ib daim.
• Peb yuav tsum yoog raws li tej txoj cai uas piav nyob hauv no txij li cov cai ntawd pib tswj txoj cai mus lawm yav tom ntej.

Peb muaj txoj cai pauv tej yam nyob hauv daim ntawv tshaj tawm no los tau

Peb muaj txoj cai pauv tau peb tej cai thiab kev ua hauj lwm no thaum twg los tau, xws li tej yam nyob hauv daim ntawv Tshaj Tawm no. Peb thiaj muaj cai yoog raws li tej kev cai tshiab uas tswj kev khaws tej ntaub ntawv uas peb twb muaj lawm yav tas los, thiab rau tej ntaub ntawv uas peb yuav txais lawm yav tom ntej. Peb yuav muab luam ib daim ntawv txog ntawm lus tshaj tawm tshiab no dai rau tej phab ntsa kom thiaj yooj yim siab. Peb kuj yuav qhia hnub pib coj kev cai tshiab rau hauv thiab.

Txoj kev uas peb siv lossis cia luag saib koj tej ntaub ntawv kho mob li cas

Nyob rau hauv cov nqi nram qab no, peb piav txog ntawm txoj kev uas peb siv thiab pub luag saib tej ntaub ntawv li cas. Peb yuav piav tej kev siv thiab kev muab rau luag siv li cas thiab yuav ua piv xwv kom koj to taub meej. Peb kuj piav tsis tau tas txhua yam kev siv thiab cia luag saib. Tiamsis tag nrho tej kev uas peb siv thiab cia luag saib yuav muaj nyob hauv tej nqi nram no.

Siv Txog Kev Kho Mob. Peb yuav siv koj tus menyuam tej ntaub ntawv coj los pab kev kho nws tus mob. Qhov no txhais tau hais tias peb yuav cia cov neeg sib koom tes pab saib koj tus menyuam cov ntaub ntawv xws li: Kws Kho Mob, cov tu, cov saib tej khoom siv rau koj to menyuam, cov tub kawm ntawv ua Kws Kho Mob los sis tej tug neeg ua hauj lwm saib koj tus menyuam hauv lub tsev kho mob no los kuj tau.  Piv xam li, koj tus menyuam raug kho los ntawm ib tug Kws Kho Mob hauv Charlie Mitchell lub Tsev Kho Mob Me thiab nws tau xa koj tus menyuam mus kho hauv lub Tsev Kho Mob kho txoj kev ua pa. Tus Kws Kho Mob hauv Charlie Mitchell Lub Tsev Kho Mob me yuav tau qhia tej yam nyob hauv koj tus menyuam cov ntaub ntawv kom nws thiaj yuav pab tau koj tus menyuam, xws li tej tshuaj muab rau koj tus menyuam noj, kev tshawb nrhiav, thiab xoo fais fab.  Tej zaum peb yuav qhia tej yam hauv koj tus menyuam cov ntaub ntawv rau tej tug uas tsis nyob hauv lub Tsev Kho Mob tiam sis nws yuav tsum tau tej ntawv ntawd kom thiaj li yuav pab muab txoj kev kho tom qab koj tus menyuam tawm hauv Tsev Kho Mob lawm. Cov no yog cov Kws Kho Mob thiab lwm cov neeg.

Siv Txog Kev Them Nqi. Peb yuav siv koj tus menyuam tej ntaub ntawv thiab cia luag saib rau thaum lub caij peb sau nqi them tej uas peb tau pab kho muab rau koj. Piv xam tias, tej zaud kuj tsim nyog qhia txog ntawm thaum koj tus menyuam raug phais kom koj li pakasphai (health plan) thiaj li them tus nqi kho lossis thim nyiaj rov tuaj rau koj los kuj muaj. Tej zaum peb kuj yuav tau qhia rau koj lub Pakasphai (health plan) txog ib txog kev kho koj tus menyuam seb lawv puas kam them tus nqi kho.

Siv Khiav Dej Num Kho Mob. Peb yuav siv koj tus menyuam tej ntaub ntawv los pab peb ua hauj lwm kom zoo thiab kom koj tus menyuam yuav txais kev tu zoo. Piv xam li, peb yuav siv tej ntaub ntawv saib txoj kev kho thiab seb peb cov neeg tau ua hauj lwm zoo li cas.  Tej zaum peb kuj yuav muab koj tus menyuam tej ntaub ntawv piv rau luag tej ntaub ntawv los kuj muaj thiab muab piv rau lwm cov Tsev Kho Mob seb peb lub Tsev Kho Mob yuav tsum muaj tej kev kho twg ntxiv, tej yam peb tsis yuav, thiab tej kev kho mob twg zoo dua los kuj muaj thiab. Thiab tej zaum peb yauv cia cov Kws Kho Mob, cov tu, cov saib xyuas tej koom kho, cov tub kawm ntawv ua Kws Kho Mob thiab lwm cov neeg ua hauj lwm kom lawv yuav kawm tau ntxiv mus lawm yav tom ntej. Thiab tej zaum peb yuav siv tej ntaub ntawv no nrog lwm cov Tsev Kho Mob tej ntaub ntawv thiab muab piv kom seb peb ua hauj lwm li cas thiab seb peb yuav ua li cas kom peb ua zoo txuas ntxiv.

Pab Yus Nco Qhov Teem Caij. Peb yuav siv thiab cia luag saib koj tej ntaub ntawv coj los qhia koj hais tias koj tus menyuam muaj ib qho teem caij (na maim) tuaj txais ib txog kev kho los sis ib txog kev tu hauv lub Tsev Kho Mob.

Lwm Txoj Kev Kho. Tej zaum peb yuav siv koj tej ntaub ntawv qhia koj txog lwm yam kev kho los sis kev pab uas koj xav paub txog.

Kev Pab Kev Kho Neeg Raug Mob. Tej zaum peb kuj siv tau koj tej ntaub ntawv qhia koj txog ntawm kev pab kev kho uas ntshe koj xav paub txog.

Thov Nyiaj Siab Dawb. Tej zaum peb yuav siv koj tej ntaub ntawv thov koj seb koj puas muaj nyiaj uas koj xav pub rau lub Tsev Kho Mob txoj kev khiav hauj lwm ntxiv mus yav tom ntej. Tej zaum peb yuav cia lwm cov koom haum saib koj cov ntaub ntawv uas pab peb hu thov nyiaj siab dawb thiab. Yog koj tsis xav kom lub Tsev Kho Mob thov nyiaj siab dawb, thov sau ib tsab ntawv qhia rau Tus Saib Xyuas Kev Ceev Ntaub Ntawv Cia ntawm Cov Menyuam Lub Tsev Kho Mob, uas muaj chaw nyob li no 9300 Valley Children's Place, Mail Stop FE 06, Madera, California 93636-8762.

Lub Tsev Kho Mob Phau Ntawv Qhia. Tej zaum peb yuav muab koj tus menyuam lub npe sau rau hauv peb phau ntawv qhia npe vim nws yog ib tug txais kev tu hauv peb lub Tsev Kho Mob. Tej yam nyob hauv phau ntawv qhia npe yog koj tus menyuam lub npe, nws nyob qhov twg hauv lub Tsev Kho Mob, nws nyob li cas ( xws li, zoo me ntsis, zoo). Peb yuav sau qhia tias koj tus menyuam ntseeg kev cai ntuj twg, tiam sis tsuas cia cov xibhwb saib xwb. Dua li cov xibfwb, ces peb tsuas qhia tej yam no rau cov neeg tuaj nug peb txog koj tus menyuam tuav nws lub npe. Yog koj hais qhia rau peb, peb yauv tsis muab koj tus menyuam lub npe sau rau hauv phau ntawv qhia npe los sis peb yuav muab tej yam koj xav kom peb muab tshem, rho tseg.

Tej zaum peb muaj tej kev pab los ntawm tej neeg ua hauj lwm dawb tuaj nrog tu koj tus menyuam. Cov neeg no yuav paub hais tias koj tus menyuam tau mus pw Tsev Kho Mob. Tej zaum tej neeg pab dawb no yog cov ntawm peb lub koom haum pab dawb.

Tej Tug uas Pab Tu lossis Them Koj Tus Menyuam Nqi Kho. Tej zaum peb yuav tso koj tus menyuam cov ntaub ntawv rau nws tus sawv cev saib. Yog koj tsis pom zoo hais qhia rau peb kom ua ntej tso. Yog koj tsis sau ntawv qhia rau peb, peb kuj qhia tau rau koj tsev neeg thiab tej phooj ywg txog koj tus menyuam txoj kev nyob zoo li cas lawm thiab qhia tias koj tus menyuam puas pw Tsev Kho Mob. Tsis tas li ntawd xwb, tej zaum peb cia ib tug saib xyuas kev pab rau tej kev vuab tsuab kom nws thiaj qhia tau koj tsev neeg tias koj tus menyuam nyob li cas, thiab nws nyob qhov twg.

Tej kev Tshawb NrhiavKho Mob. Yog tias tsim nyog ua mas, peb muab taus koj tus menyuam tej ntaub ntawv coj los pab luag tej kev tshawb nrhiav kho mob.  Txoj cai hauv Teb Chaws hais tias koj yuav tsum tso cai cia peb muab koj tej ntaub ntawv no rau cov khiav kev tshawb nrhiav thiaj tau; tsis tas li ntawd, txoj cai hauv Teb Chaws no kom peb xub thov koj seb koj puas txaus siab txais kev kho uas nrog txoj kev tshawb nrhiav thiab kom peb muab koj tej ntaub ntawv ceev cia kom luag tsis txhob paub.

Ua Kom Raws Txoj Cai Cia Luag Saib Koj Tej Ntaub Ntawv. Peb yuav cia luag saib koj tus menyuam tej ntaub ntawv yog hais tias txoj cai hais kom peb ua. Xws li qhia nws tej ntaub ntawv rau cov nom tswv hauv lub Koom Haum uas saib xyuas txoj kev kho mob hauv lub teb chaw no. Tej zaum yog Medicare los sis Medicaid hais kom peb cia lawv saib koj tus menyuam cov nrog lwm cov neeg cov ces peb yuav tsum ua raws li.  Yog hais tias xam hais kom peb cia lawv saib koj tus menyuam tej ntaub ntawv ces peb kuj yuav ua raws li lawv hais.

Tivthaiv ibyam Uas Hem Phem Heev. Peb qhia tau luag txog tej yam xwm raug mob yog hais tias peb xav tias yuav tseg tau tej teeb meem loj rau tej tug neeg los sis cov pejxeem. Tej ntaub ntawv yuav raug qhia rau tug uas yuav tseg tau tej teeb meem xwb.

Pub Dawb Yus tej siab, ntsws, plab, plawv thiab qaij tawv. Thaum koj tus menyuam tuag, yog koj txaus siab ua ib tug uas xub tso cai muab nws tej siab, ntsws, plab, plawv rau luag siv, tej zaum peb thiaj li muab koj tej ntaub ntawv rau tej Koom Haum uas saib xyuas tej kev muab siab, ntswv, plab, plawv los sis saib xyuas tej yam xws li qhov muag los sis tej nqaij tawv sib pauv los sis lub Koom Haum tuav kev pauv siab, ntsws, plab, plawv thiaj li yuav khaws tau tej ntawd cia.

Txoj Kev Kho Mob rau Laj Mej Pej Xeem. Tej zaum peb cia luag saib koj tus menyuam cov ntaub ntawv rau cov pej xeem kev kho mob. Tsuas yog koj tso cai thiaj li yuav qhia tau los sis txoj cai hais kom qhia thiaj tau. Tej yam ntawd yog raws li nram qab no:

• Yuav kom tshem los sis ceev tau tej kab mob, es cov pej xeem thiaj tsis raug mob los xiam hoobkhab, peb thiaj qhia txog kev mob kis sib deev, mob ntswg os, mob ej (HIV) thiab ntau yam kev mob ntxiv.
• Ceeb toom rau nom tswv txog cov yug los thiab cov tuag.
• Ceeb toom rau nom tswv txog txoj kev ntaus los sis tsis quav ntsej cov menyuam, cov laus thiab cov muaj hnub nyoog uas tu tsis tau tus kheej.
• Ceeb toom seb nyob li cas thaum noj cov tshuaj los sis tej teeb meem thaum siv lwm yam khoom yuav ua tsim los yuam kev. Qhia neeg txog tej khoom uas lawv hais kom thim rov qab xa mus rau lawv uas cov neeg tab tom siv vim ntshai yus raug mob.
• Kom qhia tus neeg uas tej zaum tau raug tej kab mob los sis yuav raug los sis yuav ua kom luag tej tau kis kab mob.
• Kom qhia rau cov nom tswv yog hais tias peb ntseeg tau tias tug neeg ntawd tau raug ntaus los sis tsis tu zoo zoo.

Tej Yam Saib Xyuas Kev Kho Mob Yuam kev. Tej zaum peb yuav cia ib lub Koom Haum uas saib xyuas kev kho mob yuam kev los saib koj tej ntaub ntawv raws li txoj cai. Tej yam kev nrhiav luag kev txhaum no muaj raws li nram no: kev saib ntaub ntawv, kev tshawb nrhiav luag kev txhaum, kev soj xyuas, kev kuaj, thiab txoj kev xyuam saib cov neeg muaj laisxees puas ua raws li txoj cai ntawd.

Kev Rau Txim Rau Neeg Txhaum. Peb yuav cia luag saib koj tus menyuam tej ntaub ntawv yog hais tias muaj tej yam pov thawj uas tsim nyog siv los pab rau txim rau neeg txhaum, xws li:

• Pab lawv paub txog los sis nrhiav tau ib tug uas tej zaum tau ua txhaum txoj cai, ib tug neeg txhaum plaub, cov neeg ua povthawj, tus neeg uas raug tej teeb meem, los sis tug neeg uas tau pawv mus los sis tej tug uas paub txog tej kev txhaum cai.
• Pab cov nom tswv hauv teb chaws no tej Lub Koom Haum uas soj xyuas peb txoj kev yoog lawv uas tswj kev muab neeg cov ntaub ntawv ceev cia tseg; los sis
• Coj los ceeb toom tej tug txhaum txoj cai thaum muaj tej teeb meem loj.

Cov Kws Kho Mob uas Soj Xyuas Tim Li Cas Tus Neeg Raug Tuag, Cov Kws Kho Mob Kuaj, thiab Tej Tug Neeg uas Coj Tej Tsev Txias. Tej zaum peb tso koj tus menyuam tej ntaub ntawv rau cov Kws Kho Mob soj xyuas txoj kev tuag ntawm ib tug neeg, thiab rau cov Kws Kho Mob kuaj kev tuag. Tej zaum peb yuav tsum ua li no vim rau qhov tsim nyog peb saib seb tus neeg uas tuag yog leej twg thiab seb vim li cas nws ho tuag. Tej zaum peb kuj cia cov coj tej tsev txias paub txog tej yam nyob hauv koj tus menyuam tej ntaub ntawv kom lawv thiaj li yuav ua tiav lawv txoj num.

Txoj Kev Tiv ThaivLub Teb Chaws No thiab Kev Tshawb Nrhiav Ntau Yam. Tej zaum peb yuav tso koj tej ntaub ntawv rau cov nom tswv yog tias lawv muaj cai thiab yuav pab tau lawv paub txog tej yam tiv thaiv lub tej chaw no thiab yuav pab lawv txog lwm yam ntxiv.

Kom Tiv Thaiv Tus Paj Tham hauv lub Teb Chaw No thiab Lwm Leej Lwm tus. Tej zaum peb kuj tso tau koj tus menyuam tej ntaub ntawv no rau nom tswv kom lawv thiaj li yuav tiv thaiv tau tus Pab Tham hauv lub teb chaw no, lwm cov neeg tseem ceeb los sis lwm lub teb chaw cov nom tswv los sis pab cov nom tswv pib ib txog kev soj xyuas.

Neeg Raug Txim. Yog tias koj tus menyuam yog ib tug neeg raug txim uas nyob hauv tsev loj faj uas txais kev qhuab qhia los sis yog ib tug uas muaj tej tub ceev xwm niaj hnub saib xyuas nws, ces peb yuav qhia rau lawv txog tej yam nyob hauv nws tej ntaub ntawv. Tej yam no yuav tsum ua (1) kom pab tu tus menyuam qhov mob taus; (2) kom ceev cia tseg tau koj tus menyuam txoj kev nyob zoo thiab kev nyob tsis ntshai los sis lwm cov neeg txoj kev nyob zoo thiab tsis ntshai; (3) los sis pab ceev cia tseg tej Koom Haum uas saib koj tus menyuam.

Tej Txoj Cai uas Koj Tuav

Txoj Kev Tso Cai. Txawm yog tias tej ntaub ntawv yog Cov Menyuam Lub Tsev Kho Mob Hauv Plawv California li los tej yam nyob hauv tej ntaub ntawv ntawd yog koj thiab koj tus menyuam li. Peb tsuas yuav siv thiab cia luag saib tej ntaub ntawv no tau raws li tej sijhawm uas peb tau sau nyob hauv tsab ntawv tshaj xov no txawm yog koj tsis tau sau ntawv tso cai rau peb. Tiam sis peb yuav tsis siv tej ntaub ntawv no ua lwm yam uas peb tsis tau hais nyob hauv daim ntawv no yog koj tsis xub sau ntawv tso cai rau peb ua ntej. Yog tias koj tau tso cai rau peb siv tej ntaub ntawv no koj muaj cai lub sijhawm twg los tau rov qab pauv siab kom peb txhob siv.

Koj Muaj Cai Saib thiab Luam. Koj muaj txoj cai saib thiab luam tau koj tej ntaub ntawv los pab koj txiav txim txog koj tus menyuam txoj kev raug tu tabsis koj yuav tau xub them nqi. Feem ntau, peb kam tso tej ntawv no uas yog tej ntawv hauv Tsev Kho Mob thiab cov ntawv sau nqi, tiamsis tej zaum tsis kam tso cov ntawv hais txog kev vwm. Yog koj xav saib los sis tau ib daim ntawv luam txog tej yam xwm txheej no, koj yuav tsum sau ntawv tuaj qhia tias koj xav tau tej ntawd. Tej zaum peb yuav hais kom koj them tus nqis luam tej ntawv no thiab tus nqi xa tuaj rau koj. Tej zaum peb kuj tsis pom zoo muab tej ntawv no rau leej twg li. Yog ua li ntawd peb yuav sau ntawv tuaj qhia koj vim li cas peb ho tsis kam muab tej ntawv uas koj xav tau rau koj thiab qhia kom koj paub tias yuav ua li cas kom peb rov xav dua tshiab.

Koj Muaj Cai Kho los sis Ntxiv Rau. Yog koj xav tias tej yam hais txog koj tus menyuam tsis yog lawm los sis tsis muaj txhiaj txhua, koj yeej qhia tau rau peb kom peb muab rho tawm los tau. Koj muaj txoj cai thov kom peb muab tej yam ntawv lwv mus yog hais lub Tsev Kho Mob no khaws cia tej ntawd. Peb muaj cai tsis pom zoo muab tej ntawv lwv yog hais tias koj tsis muab sau tuaj thov los sis koj tsis muaj ib lub ntsiab lus uas txaus peb lub siab txog yog vim li cas koj xav muab lwv. Thov nco tias txawm yog peb txais koj lo lus thov lawm los, peb tsis tas yuav muab tej ntawv lwv ntawm koj tus menyuam tej ntawv ceev tej xwm txheej hauv Tsev Kho Mob.

Koj Muaj Cai Paub Tias Leej Twg Tau Saib Tej Ntaub Ntawv. Koj muaj txoj cai thov kom peb muab ib daim ntawv sau qhia tias leej twg tau saib koj tus menyuam tej ntaub ntawv. Qhov no yuav qhia tias peb tau cia leej twg saib koj tus menyuam tej ntaub ntawv pes tsawg zaus. Qhov no kuj yuav sau qhia hnub twg uas peb tau cia luag saib koj tus menyuam cov ntawv, lawv lub npe los sis lub Koom Haum twg uas tau saib.  Tab sis peb kuj tsis kam qhia koj yog tias tos uas lawv saib koj tus menyuam ntawv muaj li nram no: kev qhia kom paub kho, txoj kev them nyiaj los sis kev tu kom zoo, qhia nyob hauv peb lub Tsev Kho Mob, qhia rau txoj kev tiv thaiv ntawm lub tejchaw no, qhia rau cov uas koj twb tso cai rau thiab tej uas peb qhia koj tim ntsej tim muag.

Thaum koj thov yuav tej no, koj yuav tsum qhia lub caij twg uas koj xav tau ntawd, tsis pub tshaj 6 lub xyoo thiab tsis pub paub ua ntej lub 4 hlis ntuj hnub tim 14, 2003. Thaum koj thov, qhia peb tias koj xav kom peb muab cov xwm no rau koj li cas (xws li ua ntaub ntawv, los sis xa ua ntawv fais fab.)  Thawj daim ntawv uas koj xav tau yuav yog dawb xwb ntawm thawj thawj 12 lub hlis. Ces cov ntawv tom qab ntawd peb yuav yuav tus nqi thiaj muab tej ntawd rau koj. Peb yuav qhia koj paub tias tus nqi yuav yog pes tsawg kom koj thiaj yuav muaj sijhawm txiav txim tias tsis yuav los thiab.

Koj Muaj Cai Thov Txwv Luag Tsis Pub Paub. Koj muaj txojcai thov kom txwv koj tus menyuam cov ntaub ntawv uas peb siv los sis qhia luag txog koj tus menyuam txoj kev kho, kev them, los sis kev tu kom zoo. Koj muaj txoj cai txwv kom txhob qhia rau cov uas xyuas koj tus menyuam los sis cov uas pab them tus nqi Tsev Kho Mob xws li ib tug ntawm koj tsev neeg los sis ib tug phooj ywg. Peb kuj muaj cai tsis ua raws li koj lo lus thov. Yog peb pom zoo, peb yuav ua raws li koj thov. Tiam sis yog muaj tej yam teeb meem loj ces peb yuav tsum siv cov ntaub ntawv kom pab kho koj tus menyuam.

Koj Muaj Cai Thov Tsis Pub Luag Paub Txog Peb Kev Sib Tham. Koj muaj txoj cai thov kom peb tham nrog koj txog tej yam kho mob raws li koj lub siab nyiam thiab lub siab xav. Xws li, koj thov tau kom peb tham nrog koj nram koj txoj hauj lwm xwb los sis sau ntawv tuaj qhia koj xwb.

Koj Muaj Cai Txais Thov Peb Luam Tsab Ntawv Tshaj Xov No Rau Koj. Koj muaj txoj cai tau daim ntawv no.  Koj yeej nug tau peb kom peb muab ib daim ntawv no rau koj txhua lub sijhawm. Txawm yog koj twb thov peb xa ib txog is-mej rau koj los xij, koj tseem muaj cai txais yuav ib daim ntawv kiag uas qhia txog tej yam xwm no.
Koj txais tau daim ntawv no hauv peb qhov website. 

Hais Lus Tsis Txaus Siab

Yog koj ntseeg tau tias luag txhaum koj lossis koj tus menyuam tej txoj cai, koj sau ntawv tuaj hais txog tej yam xwm ntawd los tau. Thaum koj hais koj cov lus yws txog tej yam koj tsis nyiam, thov tham nrog Tus Saib Xyuas Kev Ceev Ntaub Ntawv Cia ntawm Cov Menyuam Lub Tsev Kho Mob (Children's Hospital Central California Privacy Officer), 9300 Valley Children's Place, Mail Stop FE 06, Madera, California 93636-8762, tus xov tooj (559) 353-5660, Ismej (Email) PrivacyOfficer@childrenscentralcal.org. Tag nrho cov lus hais txog tej yam koj tsis nyiam yuav tsum muab sau rau hauv ib tsab ntawv xa tuaj xwb.

Koj sau tau koj cov lus txog tej yam koj tsis nyiam mus rau Pawg Tuav Ntawv Txog Txoj kev Kho Mob thiab Kev Pab Neeg Ntawm Lub Teb Chaws A-melikas hauv lub hoob kas pab neeg txoj cai los tau. Koj yuav tsum sau ntawv yws xwb thiaj txais. Peb yuav tsis ua pauj rau koj yog koj sau koj cov lus txog tej yam koj tsis nyiam.

Yog Xav Tau Luag Teb Txuas Ntxiv

Yog tias koj xav ua raws li tej yam muaj hauv tsab ntawv tshaj xov no uas qhia txog koj txoj cai los sis xav tau lus teb ntxiv txog koj txoj cai, koj tham tau nrog Tus Saib Xyuas Kev Ceev Ntaub Ntawv Cia ntawm Cov Menyuam Lub Tsev Kho Mob (Children's Hospital Central California Privacy Officer), 9300 Valley Children's Place, Mail Stop FE 06, Madera, California 93636-8762, tus xov tooj (559) 353-5660, Email PrivacyOfficer@childrenscentralcal.org.

9300 Valley Children’s Place
Madera, California 93636
T: 559.353.3000

Cov Kws Lij Choj Tau Saib Xyuas Lawd, Lub 1 hlis ntuj hnub tim 14, 2003

Kev Muab Koj Cov Xwm Kho Mob Ceev Cia Yog Ib Qho Tseem Ceeb rau Peb

Yuav Pib Coj Kev Cai Tshiab no: Lub 4 hlis ntuj, hnub tim 14, 2003

Tsev Tshuaj
Campus Pharmacy

Daim ntawv no qhia txog peb yuav siv koj cov ntaub ntawv kho mob li cas los puas muab rau luag siv li cas thiab koj yuav ua li cas thiaj muab tau. Thov koj maj mam nyeem kom tas. Thaum peb hais txog koj hauv no mas peb hais txog koj tus menyuam thiab. Yog tias koj muaj lusnug txog rau daim ntawv qhia paub no, thov hu tau rau tsev khomob tus neeg Children’s Hospital Central California Privacy Officer rau tus xovtooj 559-353-5660.

Daim Ntawv no qhia txog leej twg tes haujlwm?

Daim ntawv tshaj tawm no piav txog peb lub Tsev Kho Mob txoj kev zais koj tej yam xwm kho mob nrog rau cov neeg ua hauj lwm thiab cov nom tswv uas nyob hauv Cov Menyuam Lub Tsev Kho Mob Lub Tab Laj Muag Tshuaj.

Peb cog lus tseg txog kev ceev nej tej ntaub ntawv hauv Tsev Kho Mob

Tsab ntawv tshaj xov no yuav qhia koj paub txog ntawm peb txoj kev siv thiab muab rau luag koj cov ntaub ntawv thiab lwm yam xwm kev kho mob. Peb kuj yuav qhia txog ntawm koj tej txoj cai thiab tej yam uas peb yuav tau ua uas hais txog ntawm txoj peb tej kev siv thiab muab rau luag koj cov ntaub ntawv kho mob.

Tej yam uas tsim nyog Lub Tsev Muag Tshuaj thiab Cov Menyuam Lub Tsev Kho Mob Nyob Hauv Plawv California yuav tsum ua

Xws li lub caij uas koj tuaj txais kev kho kev tu los ntawm Lub Tsev Muag Tshuaj thiab Cov Menyuam Lub Tsev Kho Mob no, koj yuav muab ntau yam xwm txog ntawm koj tus kheej uas hais txog koj tej kev raug mob; tej yam xwm no yog cov uas koj xub paub hais tias tsis xav muab pub rau leej twg li.

Peb yeej sau cia tseg txog ntawm txhua tsav yam kev pab uas Tsev Muag Tshuaj pub rau koj. Peb yuav tej yam xwm no pab peb kom peb thiaj paub kho koj kom zoo thiab peb yuav tau siv vim tsim nyog yoog raws li tej kev cai lij choj. Nyob hauv tsab ntawv tshaj tawm no peb yuav qhia txog tag nrho tej ntaub ntawv yuav tshuaj los ntawm Lub Tsev Muag Tshuaj. Tej zaud, koj tus Kws Kho Mob yuav coj lwm yam kev cai lossis nws muaj nws ib co ntawv tshaj tawm uas yuav qhia txog tias nws siv koj cov ntaub ntawv li cas uas nws tau sau nyob rau hauv nws lub osfiv los kuj muaj.

• Peb yuav tsum ceev cia tseg tagnrho koj cov ntaub ntawv hais txog kev kho mob.
• Peb yuav tsum muab rau koj ib tsab ntawv tshaj tawm no uas qhia txog peb ceev cia tseg li cas koj li xwm thiab qhia txog tej txoj cai uas peb yoog raws li thiab.
• Peb yuav tsum coj raws li tej txoj cai uas muaj nyob hauv no txij li hnub tsim mus lawm yav tom ntej.

Peb muaj txoj cai pauv tej yam nyob hauv daim ntawv tshaj tawm no los tau

Peb muaj txoj cai hloov tau peb tej cai thiab kev ua hauj lwm no thaum twg  los tau, xws li tej yam nyob hauv daim ntawv Tshaj Tawm no. Peb thiaj muaj cai yoog raws li tej kev cai tshiab uas tswj kev khaws tej ntaub ntawv uas peb twb muaj lawm, thiab rau tej ntaub ntawv uas peb yuav txais lawm yav tom ntej. Peb yuav muab luam ib daim ntawv txog ntawm lus tshaj tawm tshiab no thiab muab dai rau tej phab ntsa uas yooj yim siab. Peb kuj yuav qhia hnub pib coj kev cai tshiab rau hauv thiab.

Txoj kev uas peb siv thiab pub luag saib tej ntaub ntawv li cas

Nyob rau hauv cov nqi nram qab no, peb piav txog ntawm txoj kev uas peb siv thiab pub luag saib tej ntaub ntawv li cas. Peb yuav piav tej kev siv thiab kev muab rau luag siv li cas thiab yuav ua piv xwv kom koj to taub meej. Peb kuj piav tsis tau tas txhua yam kev siv thiab cia luag saib. Tiamsis tag nrho tej kev uas peb siv thiab cia luag saib yuav muaj nyob hauv tej nqi nram no.

Siv Txog Kev Kho Mob. Peb yuav siv koj tej ntaub ntawv kho mob coj los siv muab tshuaj rau noj. Piv xam tias, tus Kws Muag Tshuaj yuav saib cov xwm kho koj mob coj los siv muab tshuaj rau koj noj. Peb kuj yuav sau cia tseg txog ntawm txhua yam tshuaj uas peb muab rau koj thiab lwm yam kev pab huvsi. Yuav kom nws muab tshuaj kom yog rau koj, tej zaum, tus Kws Muag Tshuaj xav tau tej yam xwm txog koj los ntawm koj tsev neeg, koj tus kws kho mob, lossis cov ntaub ntawv hauv Cov Menyuam Lub Tsev Kho Mob. Yog tias koj xav yuav tshuaj los ntawm lwm lub tsev muag tshuaj ces peb thiaj yuav muab tej yam xwm no rau lawv siv kom lawv thiaj ua kom yog. Tej thaud peb kuj yuav muab koj tej yam xwm no rau cov neeg uas nyob sab nraum Lub Tsev Muag Tshuaj no xws li tus kws uas ib txwm kho koj tus mob thiab lwm cov kws kho mob uas nws xa koj mus kuaj ntawd.

Siv Txog Kev Them Nqi. Peb yuav siv koj tej ntaub ntawv thiab cia luag saib rau thaum lub caij peb sau nqi them tej uas peb tau pab kho muab rau koj. Piv xam tias, peb yuav tham nrog koj lub Is-suslaa losis tus saib xyuas kev yuav tshuaj saib lawv puas kam them tus nqi yuav tshuaj thiab koj yuav tau thim pes tsawg rov qab. Peb yuav xa npi-aus tuaj rau koj lossis rau lwm tus uas yuav tsum them koj cov nqe yuav tshuaj uas peb muab rau koj ntawd. Tej zaum daim npi-aus ntawd yuav muaj tej yam xwm nyob hauv uas qhia txog yog koj thiab yuav qhia tias koj noj tshuaj hom twg los kuj muaj thiab.

Siv Khiav Dej Num Kho Mob. Peb yuav siv koj tej ntaub ntawv los pab peb ua tej hauj lwm uas peb tsim nyog ua hauv Lub Tsev Muag Tshuaj thiab kom paub tau tias peb kho thiab tu koj zoo zoo. Piv xam li, Lub Tsev Muag Tshuaj kuj siv tau tej yam xwm nyob rau hauv koj cov ntaub ntawv coj los xam saib cov kws muag tshuaj ua haujlwm li cas rau li cas. Peb yuav siv yam xwm no coj los rau siab pab koj zoo zus mus lawm yav tom ntej.

Siv Qhia Txog Tej Kev Pab Dawb, Kev Pab Lwm Yam thiab Hu Rau Yus. Tej zaum peb yuav hu tuaj rau koj qhia nco ncoov rov yuav tshuaj uas yuav tas sai losis qhia koj txog lwm yam uas yuav pab tau koj uas ntshe koj xav tau xav yuav ntawd.

Lub Koom Haum Saib Xyuas Zaub Mov thiab Tshuaj (FDA). Peb qhia tau txog koj tej yam xwm no rau lub koom haum FDA, lossis cov neeg ua hauj lwm los ntawm FDA txoj cai los kuj muaj, xws li tej yam xwm txog kev raug mob tim noj tshuaj, mov, tshuaj ntsuab, lwm yam khoom thiab khoom uas muaj yam phem hauv los kuj muaj, lossis peb yuav muab tej tsab ntawv tshaj tawm xwm ntsia rau ntawm phab ntsa xwv kom qhia tej yam lus ceev faj thiab ceeb toom txog tej yam tshuaj phem, khoom pheem uas xav kom yus xa rov qab, kho kom yog los yog pauv ua khoom tshiab.

Thov nyiaj siab dawb. Lub Tsev Muag Tshuaj no koom nrog rau Cov Menyuam Lub Tsev Kho Mob thiab tej zaum peb yuav siv tej ntaub ntawv ntsib koj seb koj puas muaj nyiaj uas koj xav pub rau lub Tsev Kho Mob kev khiav hauj lwm ntxiv mus yav tom ntej. Tej zaum peb yuav cia lwm cov koom haum saib koj ntaub ntawv uas pab peb thov nyiaj siab dawb thiab. Yog koj tsis xav kom lub Tsev Kho Mob thov nyiaj siab dawb, thov sau ib tsab ntawv qhia rau Tus Tuav Ntawv Kom Zoo ntawm Cov Menyuam Lub Tsev Kho Mob 9300 Valley Children’s Place, Mail Stop FE 06, Madera, California 93636-8762.

Tej tug uas pab tu lossis them koj tus nqi tu koj. Cov Kws Muag Tshuaj yuav ua tib zoo xav zoo zoo ua ntej yuav qhia txog koj tej kev mob rau ib tug hauv koj tsev neeg los puas, lwm tus kwv tij, tus phooj ywg lossis lwm tus uas koj tau thov qhia.

Tej kev Tshawb NrhiavKho Mob. Yog tias tsim nyog ua mas, peb muab taus koj tej ntaub ntawv coj los pab luag tej kev tshawb nrhiav kho mob. Txoj cai hauv Teb Chaws hais tias koj yuav tsum tso cai cia peb muab koj tej ntaub ntawv no rau cov khiav kev tshawb nrhiav thiaj tau; tsis tas li ntawd, txoj cai hauv Teb Chaws no kom peb xub thov koj seb koj puas txaus siab txais kev kho uas nrog txoj kev tshawb nrhiav thiab kom peb muab koj tej ntaub ntawv ceev cia kom luag tsis txhob paub.

Ua kom Raws Txoj Cai cia Luag saib tej ntaub ntawv. Peb yuav cia luag saib koj tej ntaub ntawv yog hais tias txoj cai hais kom peb ua. Xws li qhia tej ntaub ntawv rau nom tswv lub Koom Haum uas saib xyuas txoj kev kho mob hauv lub teb chaw no. Tej zaum yog Medicare los sis Medicaid, Rooj Saib Xyuas Cov Kws Muag Tshuaj (Medical Board of Pharmacy) losis Lub Koom Haum Tswj Kev Muag Tshuaj (Drug Enforcement Agency) hais kom peb cia lawv saib koj nrog lwm cov neeg tej ntaub ntawv ces peb yuav tsum ua raws li. Yog hais tias tus txiav plaub ntug hais kom peb cia lawv saib koj tej ntaub ntawv ces peb kuj yuav tau ua raws li lawv hais.

Kom Tsis Txhob Cia Luag Raug Mob lossis Lwm Yam Txaus Ntshais. Peb qhia tau luag txog tej yam xwm raug mob yog hais tias peb xav tias yuav tseg tau tej teeb meem loj rau tej tug neeg los sis cov pejxeem. Tej ntaub ntawv yuav raug qhia rau tug uas yuav tseg tau tej teeb meem xwb.

Pub Dawb Yus tej siab, ntsws, plab, plawv thiab qaij tawv.Thaum koj tuag, yog koj yog ib tug uas xub tso cai muab koj tej siab, ntsws, plab, plawv rau luag siv, tej zaum peb thiaj li muab koj tej ntaub ntawv rau tej Koom Haum uas saib xyuas tej siab, ntswv, plab, plawv los sis saib xyuas tej yam xws li qhov muag los sis tej nqaij tawv sib pauv los sis lub Koom Haum tuav kev pauv siab, ntsws, plab, plawv thiaj li yuav khaws tau tej ntawd cia.

Kev Thim Nyiaj rau Cov Ua Hauj Lwm uas Raug Mob. Tej zaud peb kuj pub luag paub txog koj tej ntaub ntawv raws li txoj cai yog tias koj yog ib tug uas ua hauj lwm nrog rau Cov Menyuam Lub Tsev Kho Mob. Peb tsuas ua li no kom yoog raws tej txoj cai txog ntawm cov neeg raug mob thaum ua hauj lwm losis lwm txoj kev cai zoo li ntawd.

Tej Yam Kev Mob uas Kis Taus rau Laj Mej Pej Xeem. Tej zawm peb cia luag saib koj cov ntaub ntawv coj los siv rau kev khiav dej num nrog rau cov peej xeem kev kho mob. Tsuas yog koj xub tso cai peb thiaj li yuav qhia tau los sis txoj cai quab yuam qhia thiaj muab xwb. Tej yam kev siv muaj raws li nram qab no xws li:

• Yuav siv los pab muab tshem los sis ceev tau tej kab mob, es cov neeg thiaj tsis raug mob los xiam hoobkhab, peb thiaj qhia txog kev mob kis sib deev, mob ntswg os os, mob ej (HIV) thiab ntau yam kev mob ntxiv.
• Ceeb toom rau nom tswv txog cov yug los thiab cov tuag.
• Ceeb toom rau nom tswv txog txoj kev ntaus los sis tsis quav ntsej cov menyuam, cov laus thiab cov muaj hnub nyoog uas tu tsis tau tus kheej.
• Ceeb toom seb nyob li cas thaum noj cov tshuaj los sis tej teeb meem thaum siv lwm yam khoom yuav ua tsim los yuam kev.
• Qhia neeg txog tej khoom uas lawv hais kom thim rov qab xa mus rau lawv uas cov neeg tab tom siv vim ntshai yus raug mob.
• Kom qhia tus neeg uas tej zaum tau raug tej kab mob los sis yuav raug los sis yuav ua kom luag tej kis tej kab mob.
• Kom qhia rau cov nom tswv yog hais tias peb ntseeg tau tias tug neeg ntawd tau raug ntaus los sis tsis tu raws txoj cai.

Tej Yam Saib Xyuas Kev Kho Mob Yuam kev. Tej zaum peb yuav cia ib lub Koom Haum uas saib xyuas kev kho mob yuam kev los saib koj tej ntaub ntawv raws li txoj cai. Tej yam kev nrhiav luag kev txhaum no muaj raws li nram no: kev saib ntaub ntawv, kev tshawb nrhiav luag kev txhaum, kev soj xyuas, kev kuaj, thiab txoj kev xyuam saib cov neeg muaj laisxees puas ua raws li txoj cai ntawd.

Kev Rau Txim Rau Neeg Txhaum. Peb yuav cia luag saib koj tej ntaub ntawv yog hais tias muaj tej yam pov thawj uas tsim nyog siv los pab rau txim rau neeg txhaum, xws li:

• Kom paub los sis nrhiav tau ib tug uas tej zaum tau ua txhaum txoj cai, ib tug neeg txhaum plaub, cov neeg ua povthawj, tug neeg uas raug tej teeb meem, los sis tug neeg uas tau pawv mus los sis tej tug uas paub txog tej kev txhaum cai.
• Rau cov nom tswv hauv teb chaws tej Lub Koom Haum uas soj xyuas peb txoj kev ua raws li txoj cai koom thaiv neeg tej ntaub ntawv; los sis
• Ceeb toom tej kev ua txhaum txoj cai thaum muaj tej as-maws-tsas-xis loj.

Cov Tub Ceev Xwm Soj Xyuas Vim Li Cas Tus Neeg Raug Tuag, Cov Kws Kho Mob Kuaj, thiab Tej Neeg uas Coj Tej TsevTxias. Tej zaum peb tso koj tej ntaub ntawv rau cov tub ceev xwm soj xyuas txoj kev tuag ntawm ib tug neeg, thiab rau cov Kws Kho Mob kuaj kev tuag. Tej zaum peb yuav tsum ua li no vim rau qhov tsim nyog peb saib seb tus neeg uas tuag yog leej twg thiab seb vim li cas nws ho tuag. Tej zaum peb kuj cia cov coj tej tsev txias paub txog tej yam nyob hauv koj tej ntaub ntawv kom lawv thiaj li yuav ua tiav lawv txoj num.

Cov Tub Rog thiab Cov Qub Tub Rog. Yog hais tias koj yog ib tug tub rog, peb thiaj tso tau koj tej ntaub ntawv rau cov tsoom fwv rog. Peb kuj muab tau tej yam xwm no txog ntawm cov uas tau ua tub rog rau txawv teb chaws.

Txoj Kev Tiv ThaivLub Teb Chaws No thiab Kev Tshawb Nrhiav Ntau Yam. Tej zaum peb yuav tso koj tej ntaub ntawv rau cov nom tswv yog tias lawv muaj cai thiab yuav pab tau lawv paub txog tej yam tiv thaiv lub tej chaw no thiab yuav pab lawv txog lwm yam ntxiv.

Kom Tiv Thaiv Tus Paj Tham hauv lub Teb Chaw No thiab Lwm Leej Lwm tus. Tej zaum peb qhia txog tej ntaub ntawv no rau nom tswv kom lawv thiaj li yuav tiv thaiv tau tus Pab Tham hauv lub teb chaw no, lwm cov neeg tseem ceeb los sis lwm lub teb chaw cov nom tswv los sis pab cov nom tswv pib ib txog kev soj xyuas.

Neeg Raug Txim. Yog tias koj yog ib tug neeg raug txim uas nyob hauv tsev loj faj los sis yog ib tug uas tseem niaj hnub raug tswj ntawm ib tug tub ceev xwm, ces peb qhia tso muab tau tej yam nyob hauv koj tej ntaub ntawv. Tos uas peb muab xwm no rau luag yog kom (1) lub Koom Haum pab tu tau koj qhov mob; (2) kom pov hwm tau koj noj qab nyob zoo thiab kev nyob tsis ntshai raug mob los sis lwm cov neeg txoj kev zoo nyob thiab tsis ntshai; (3) los sis pab tiv thaiv tej lub Koom Haum uas saib koj .

Tej Txoj Cai uas Koj Tuav

Txoj Kev Tso Cai. Txawm yog tias koj tej ntaub ntawv noj tshuaj no yog Lub Tsev Muag Tshuaj hauv Cov Menyuam Lub Tsev Kho Mob Nyob Hauv Plawv California li los tej yam xwm nyob hauv tej ntaub ntawv ntawd yog koj li thiab. Peb tsuas yuav siv thiab cia luag saib tej ntaub ntawv no tau raws li tej lub sijhawm uas peb tau qhia tseg nyob hauv daim ntawv no txawm yog koj tsis tau sau ntawv tso cai rau peb. Tiam sis peb yuav tsis siv tej ntaub ntawv no ua lwm yam uas peb tsis tau hais nyob hauv daim ntawv no yog koj tsis tau sau ntawv tso cai rau peb. Yog tias koj tau tso cai rau peb siv tej ntaub ntawv no koj muaj cai lub sijhawm twg los tau rov qab hloov dua siab kom peb tsis txhob siv ntxiv.

Koj Muaj Cai Saib Thiab Luam. Koj muaj txoj cai saib thiab luam tau koj tej ntaub yuav tshuaj thiab them nyiaj tabsis koj yuav tau them tus nqi. Yog koj xav saib los sis tau ib daim ntawv luam txog tej yam xwm txheej no, koj yuav tsum sau ntawv tuaj qhia tias koj xav tau tej ntawd. Tej zaum peb yuav hais kom koj them tus nqis luam tej ntawv no thiab tus nqi xa tuaj rau koj. Tej zaum peb kuj tsis pom zoo muab tej ntawv no rau leej twg li. Yog ua li ntawd peb yuav sau ntawv tuaj qhia koj vim li cas peb ho tsis kam muab tej ntawv koj xav tau rau koj kom koj paub yuav ua li cas yog koj xav kom peb rov qab xav ntxiv.

Koj Muaj Cai Kho los sis Ntxiv rau. Yog koj xav tias tej yam hais txog koj tsis yog lawm los sis tsis txhiaj tsis txhua, koj yeej qhia tau rau peb kom peb muab kho. Koj muaj txoj cai thov kom peb muab tej yam ntawv lwv mus yog hais tias tej ntawv no yog tej uas khaws cia los ntawm lub Tsev Muag Tshuaj. Peb muaj cai tsis pom zoo muab tej ntawv lwv yog hais tias koj tsis muab sau tuaj thov los sis koj tsis muaj ib lub ntsiab lus uas muaj qab hau vim li cas koj xav muab lwv. Thov nco tias txawm yog peb txais koj lo lus thov lawm los, peb tsis tas yuav muab tej ntawv lwv ntawm koj tej ntawv yuav tshuaj noj.

Muaj Cai Kom Paub Seb Leej Twg Tau Saib Koj Tej Ntaub Ntawv. Koj muaj txoj cai thov kom peb qhia koj paub tias peb tau muab koj cov ntaub ntawv yuav tshuaj rau leej twg saib. Qhov no yuav sau qhia tias peb tau cia leej twg saib koj tej ntaub ntawv pes tsawg zaus. Qhov no kuj yuav qhia hnub tim twg uas peb tau cia luag saib koj cov ntawv, lawv lub npe los sis lub Koom Haum twg peb tau cia saib koj tej ntawv. Tsis tas li ntawd xwb peb yuav qhia yog vim li cas luag saib koj tej ntaub ntawv ntawd tau. Peb yuav tsis qhia koj txog tej yam muaj raws li nram no: cia luag saib kom txawj kho, txoj kev them nyiaj los sis kev tu kom zoo, qhia vim muaj kev ceev lub teb chaws, qhia rau cov uas koj twb tso cai rau thiab tej tus uas koj qhia koj xwb. Thaum koj thov txog tej no, koj yuav tsum qhia lub caij uas koj xav paub txog, tsis pub dhau tshaj 6 xyoo thiab tsis pub noog txog lug sib hawm ua ntej lub 4 hlis ntuj hnub tim 14, 2003. Thaum koj thov, qhia seb koj xav tau cov ntawv li cas (xws li ntawv, los sis hauv khabpustawj). Thawj daim ntawv koj xav tau yuav yog dawb xwb ntawm thawj thawj 12 lub hlis. Ces cov ntawv tom qab ntawd peb yuav yuav tus nqi muab tej ntawv rau koj. Peb yuav qhia seb tus nqi yog pes tsawg kom koj thiaj yuav muaj sijhawm xaiv seb kav liam los sis pauv koj lo lus thov ua ntej peb hais kom koj them.

Muaj Cai Thov Txwv Tsis Pub Tej Tug Paub. Koj muaj txojcai thov kom txwv tsis pub luag saib koj cov ntaub ntawv uas peb siv los sis qhia luag txog koj txoj kev raug kho, kev them, los sis kev tu kom zoo. Koj muaj txoj cai txwv kom txhob qhia rau cov uas tuaj xyuas koj los sis cov uas pab them tus nqi Tsev Kho Mob xws li ib tug ntawm koj tsev neeg los sis ib tug phooj ywg. Peb kuj muaj cai tsis ua raws li koj lo lus thov. Yog peb pom zoo, peb yuav ua raws li koj thov. Tiam sis yog muaj tej yam teeb meem loj ces peb yuav tsum siv cov ntaub ntawv kom pab kho koj.

Muaj Cai Thov Kom Txoj Kev Sib Tham Tsis Tawm Rau Leej Twg. Koj muaj txoj cai thov kom peb tham nrog koj txog tej yam kho mob raws lub sijhawm uas koj lub siab nyiam thiab lub siab xav. Xws li koj thov tau kom peb nrog koj tham nram koj txoj hauj lwm xwb los sis sau ntawv tuaj qhia koj xwb.

Koj Muaj Cai Kom Txais Yuav ib Daim Ntawv Luam Txog Tej No. Koj muaj txoj cai tau daim ntawv ntawv no. Koj yeej nug tau peb kom peb muab ib daim ntawv no rau koj txhua lub sijhawm. Txawm yog koj twb thov peb xa ib txog is-mej rau koj los xij, koj tseem muaj cai txais yuav ib daim ntawv kiag uas qhia txog tej xwm no. Koj txais tau daim ntawv no hauv peb qhov website, www.childrenscentralcal.org.

Hais Lus Tsis Txaus Siab

Yog koj ntseeg tau tias luag txhaum koj lossis koj tej txoj cai, koj sau ntawv tuaj hais txog tej yam xwm ntawd los tau. Thaum koj hais koj cov lus yws txog tej yam koj tsis nyiam, thov tham nrog Tus Saib Xyuas Kev Ceev Ntaub Ntawv ntawm Cov Menyuam Lub Tsev Kho Mob (Children's Hospital Central California Privacy Officer), 9300 Valley Children's Place, Mail Stop FE 06, Madera, California 93636, tus xov tooj yog (559) 353-5660. Tag nrho cov lus hais txog tej yam koj tsis nyiam yuav tsum muab sau hauv ib tsab ntawv xa tuaj xwb. Koj kuj sau tau koj cov lus txog tej yam koj tsis nyiam mus rau Pawg Tuav Ntawv Txog Txoj kev Kho Mob thiab Kev Pab Neeg Ntawm Lub TebChaw A-melikas (Secretary of the U.S. Department of Health and Human Services) hauv lub Koom Haum pab neeg txoj cai los tau (Office of Civil Rights). Tag nrho cov lus yuav tsum muab sau mus. Peb yuav tsis ua pauj rau koj yog koj sau koj cov lus txog tej yam koj tsis txaus siab.

Yog Xav Tau Luag Teb Txuas Ntxiv

Yog tias koj xav ua raws li tej yam muaj hauv Tsab Ntawv Tshaj Tawm koj txoj cai los sis xav tau tej lo lus teb ntxiv txog koj txoj cai, koj tham tau nrog Tus Saib Xyuas Kev Ceev Ntaub Ntawv ntawm Cov Menyuam Lub Tsev Kho Mob (Children's Hospital Central California Privacy Officer), 9300 Valley Children's Place, Mail Stop FE 06, Madera, California 93636, tus xov tooj (559) 353-5660, e-mail PrivacyOfficer@childrenscentralcal.org.

9300 Valley Children’s Place
Madera, California 93636
T: 559.353.3000 www.childrenscentralcal.org

Cov Kws Lij Choj Tau Saib Xyuas Lawd, Lub 1 hlis ntuj hnub tim 14, 2003